காதலியை துஷ்பிரயோகத்திற்கு உட்படுத்திய காதலன் கைது !

15 வயதான பாடசாலை மாணவியை பாலியல் வல்லுறவுக்கு உட்படுத்தியதாக கூறப்படும் 18 வயதான இளைஞனை பொலிஸார் கைது செய்துள்ளனர்.

புத்தளம் மாவட்டம் பள்ளம் – பொத்துகுளம் பிரதேசத்தை சேர்ந்த பாடசாலை மாணவியே இவ்வாறு பாலியல் வல்லுறவுக்கு உட்படுத்தப்பட்டுள்ளார்.

தனது மகளை தனியாக வீடொன்றில் இளைஞர் ஒருவர் தடுத்து வைத்துள்ளதாக வல்லுறவுக்கு உட்படுத்தப்பட்டதாக கூறப்படும் மாணவியின் தாய் பள்ளம் பொலிஸ் நிலையத்தில் முறைப்பாடு செய்திருந்தார்.

44 வயதான இந்த பெண்மணியின் முறைப்பாட்டுக்கு அமைய பொலிஸார் குறித்த இளைஞனை கைது செய்துள்ளனர்.

கைது செய்யப்பட்டவர் தனது காதலன் எனவும் தொலைபேசி அழைப்பை எடுத்து அழைத்ததால் தான் அங்கு சென்றதாகவும் மாணவி கூறியுள்ளார்.

இளைஞனின் அத்தைக்கு சொந்தமான வீட்டில் தாம் இருந்ததாகவும் மாணவி பொலிஸாரிடம் தெரிவித்துள்ளார்.

எவ்வாறாயினும் கைது செய்யப்பட்ட இளைஞன் புத்தளம் மாவட்ட நீதிமன்றத்தில் ஆஜர்ப்படுத்தப்பட உள்ளதாக பொலிஸார் குறிப்பிட்டுள்ளனர்.

அத்துடன் மாணவி மருத்துவ பரிசோதனைக்கு உட்படுத்தப்பட்டுள்ளார்.

http://www.tamilwin.com/show-RUmszBTbKXfo7.html