ஒரே நாளில் குழந்தைகள் பெற்றெடுத்த அம்மா..மகள்: ஆச்சரியமான சம்பவம் (வீடியோ இணைப்பு) !

அமெரிக்காவில் தாயும் மகளும் ஒரே நாளில் குழந்தைகளை பெற்றெடுத்த சம்பவம் ஆச்சரியத்தை ஏற்படுத்தியுள்ளது. அமெரிக்காவின் புளோரிடா (Florida) மாகாணத்தில் ஹெதெர் பெண்டிகாஃப் (Heather Penticoff Age-40) என்ற பெண் தன் மகள் டெஸ்டினே மார்டினுடன் (Destinee Martin Age-20) வசித்து வருகிறார். இவர்கள் இருவரும் ஒரே நேரத்தில் கர்ப்பமடைந்து ஒரே நாளில் குழந்தைகளை பெற்றெடுத்துள்ளனர். இதுகுறித்து டெஸ்டினே கூறுகையில், நாங்கள் இருவரும் ஒரே நேரத்தில் கர்ப்பமடைந்த செய்தியை அறிந்ததும் எனக்கு வியப்பாக இருந்தது. இதை நாங்கள் சாதாரணமாக தான் எடுத்துக்கொண்டோம், ஆனால் பார்ப்பவர்கள் எல்லாம் கேள்வி கேட்டுத் துளைத்துவிட்டார்கள். நானும் அம்மாவும் ஒருவருக்கு ஒருவர் ஆதரவாக, எங்களின் அனுபவங்களைப் பகிர்ந்துகொண்டு, சந்தோஷமாக ஒரே நாளில் குழந்தைகளைப் பெற்றெடுத்தோம். தற்போது என் மகனுக்கும் என் தங்கைக்கும் ஒரே வயது என மகிழ்ச்சியுடன் கூறியுள்ளார்.