கொக்குவில் விபத்தில் மாணவி உட்பட இரு பொலிஸார் காயம்!

ரயில் மோதி மாணவி காயம்

கொழும்பிலுள்ள பிரபலமான பாடசாலையொன்றி மாணவியொருவர் ரயிலில் மோதுண்டு காயமடைந்துள்ளார். களுத்துறை-மருதானை ரயிலில் கொள்ளுப்பிட்டி ரயில் நிலையத்தில் வைத்தே இந்த அனர்த்தம் ஏற்பட்டுள்ளதாக ரயில்நிலைய தகவல்கள் தெரிவிக்கின்றன.

கொக்குவில் விபத்தில் மாணவி உட்பட இரு பொலிஸார் காயம்!

யாழ்ப்பாணம் கே.கே.எஸ்.வீதி கொக்குவில் சந்தியில் இடம்பெற்ற விபத்தொன்றில் பாடசாலை மாணவி உட்பட இரு பொலிஸார் காயமடைந்தனர். இன்று வியாழக்கிழமை மதியம் 1.45 மணியளவில் கொக்குவில் ஆடியபாதம் வீதியில் இருந்து பாடசாலை மாணவியை ஏற்றி வந்த முச்சக்கரவண்டியொன்று காங்கேசன்துறை பிரதான வீதியால் யாழ்ப்பாணம் நோக்கி வேகமாக சென்ற போக்குவரத்து பொலிஸாரின் மோட்டார் சைக்கிளுடன் மோதியதில் இவ்விபத்து இடம்பெற்றது.

இதன்போது மோட்டார் சைக்கிளில் வந்த இரு பொலிஸார் மற்றும் பாடசாலை மாணவியும் காயமடைந்தனர். காயமடைந்த மாணவி அருகில் உள்ளவர்களின் உதவியுடன் உடனடியாக வைத்தியசாலையில் சேர்க்கப்பட்டார். இவ்விபத்து பிரதான வீதியில் போக்குவரத்து விதிகளை மீறி முச்சக்கரவண்டி பயணித்ததனால் ஏற்பட்டதாக விபத்தை நேரில் கண்டவர்கள் தெரிவித்தனர்.

பாடசாலை முடிவடையும் நேரத்தில் மிக வேகமாக வந்த போக்குவரத்து பொலிஸாருக்கும் பொதுமக்களுக்கும் இடையில் முறுகலை ஏற்படுத்தியதை அவதானிக்கமுடிந்தது. விபத்து தொடர்பாக பொலிஸார் விசாரணைகளை மேற்கொண்டுள்ளனர். 

http://www.jvpnews.com/srilanka/71178.html